Horch amoal her

 

Älderi Semeschder kenne sich noch guad an Zeide erinnere, als es auf dr Muswies alles geewe hat – bloaß ka Bolizeischdund. Heitzudooch is a Schdindle nach Middernacht vorbei mit allem Gschrammel – sunschd kummt dr uniformierte Nachtgrabb vorbei. Und seither wird als schwer driiwer gmault, dass mr am Landjuchendschdand und andere ambulande Logalidäde goar nimmi in den Sunneaufgang und in di Aache vonnere Landwehr-Brinzessin blinzle kou. Zum Drooschd für alli Nachtschwärmer: Vor 180 Joahr hewwe di Schnabsbude scho um Siwenni dicht mache misse und in de Wärdschafde woar umma Zähni Zabfeschdreich. haz

 

 

 (Foto: HT-Archiv)v)